Fih full disclosha, mih wife name is Claudette Singh
But she is not de wan dat all ahyou ah talk about.
But Ah still got to be careful how me mecking joke wid names;
One slip up, she gon meck me see Sain Peter, long before mih time.
Is a bad bad precedent set up by Venkat Alichandra
If ee seh you dead and vote, you must prove to ee dat you living,
And until you come and prove it, you done and dead to ee.
But if you can prove dat you alive, dat just prove dat you lying.
Carry Come finish it’s report – hundred pages plus in length.
Ah read de executive summary, dat all ahyou should read.
Plenty people to be proud of; Guyana should be proud of you.
But some Hall of Shame material, on de top shelf, in full view.
Ah think dat Carry Come deserves de prize
Dat Nobel gives for “Pacem in Terris” and “Om Shanti”.
Motley crew of Rock, Gold, Gonz and Attar of de Round Table
And especially de tree dat defy de wrath of Covid and Daveed.
What dey did was to meck it easy for Claudette.
Their observations, analyses and conclusions soar above
Low field, mountain clear and playing bingo wid false nambers.
Ah glad dat Carry Come meck it easy for Claudette.